5 ਬੰਦੀਆਂ ਦੇ ਟੈਸਟ ਪਾਜਿਟਿਵ
3 ਔਰਤਾਂ ਤੇ ਇਕ ਨਾਬਾਲਗ
5 ਜਣਿਆਂ ਨੂੰ ਹਸਪਤਾਲ ਤੋਂ ਠੀਕ ਹੋਣ ਤੇ ਮਿਲੀ ਛੁੱਟੀ।
ਬਠਿੰਡਾ, 23 ਜੂਨ ( ਗੁਰਲਾਲ ਸਿੰਘ )
ਬਠਿੰਡਾ ਜ਼ਿਲੇ ਵਿਚ ਅੱਜ ਕਰੋਨਾ ਦੇ 20 ਨਵੇਂ ਮਾਮਲੇ ਸਾਹਮਣੇ ਆਏ ਹਨ ਜਦ ਕਿ 4 ਮਾਮਲੇ ਬੀਤੀ ਦੇਰ ਸ਼ਾਮ ਸਾਹਮਣੇ ਆਏ ਸਨ। ਜਦ ਕਿ ਅੱਜ 5 ਜਣੇ ਕਰੋਨਾ ਨੂੰ ਮਾਤ ਦੇ ਕੇ ਵਾਪਸ ਘਰ ਪਰਤ ਗਏ ਹਨ। ਇਹ ਜਾਣਕਾਰੀ ਜ਼ਿਲੇ ਦੇ ਡਿਪਟੀ ਕਮਿਸ਼ਨਰ ਸ੍ਰੀ ਬੀ ਸ੍ਰੀ ਨਿਵਾਸਨ ਨੇ ਦਿੱਤੀ ਹੈ। ਡਿਪਟੀ ਕਮਿਸ਼ਨਰ ਨੇ ਇਸ ਮੌਕੇ ਜ਼ਿਲਾ ਵਾਸੀਆਂ ਨੂੰ ਅਪੀਲ ਕੀਤੀ ਕਿ ਉਹ ਵਧੇਰੇ ਸਾਵਧਾਨੀ ਰੱਖਣ ਅਤੇ ਜਨਤਕ ਥਾਂਵਾਂ ਤੇ ਬਿਨਾਂ ਮਾਸਕ ਤੋਂ ਨਾ ਜਾਣ, ਸਮਾਜਿਕ ਵਿੱਥ ਦਾ ਖਿਆਲ ਰੱਖਣ ਅਤੇ ਵਾਰ ਵਾਰ ਹੱਥ ਧੋਂਦੇ ਰਹਿਣ।
ਇਸ ਸਬੰਧੀ ਹੋਰ ਜਾਣਕਾਰੀ ਦਿੰਦਿਆਂ ਜ਼ਿਲੇ ਦੇ ਸਿਵਲ ਸਰਜਨ ਡਾ: ਅਮਰੀਕ ਸਿੰਘ ਨੇ ਦੱਸਿਆ ਕਿ ਬੀਤੀ ਦੇਰ ਸ਼ਾਮ ਜੋ ਚਾਰ ਪਾਜਿਟਿਵ ਨਤੀਜੇ ਆਏ ਸਨ ਉਹ ਚਾਰੋ ਪ੍ਰਦੇਸ਼ ਤੋਂ ਬਾਹਰ ਤੋਂ ਪਰਤੇ ਸਨ। ਜਦ ਕਿ ਅੱਜ ਜੋ 20 ਨਤੀਜੇ ਮਿਲੇ ਹਨ ਇੰਨਾਂ ਵਿਚ 8 ਬਠਿੰਡਾ ਜ਼ਿਲੇ ਦੇ ਹਨ ਜਦ ਕਿ 12 ਜ਼ਿਲੇ ਤੋਂ ਬਾਰਰੋਂ ਆਏ ਸਨ। ਬਾਹਰੋਂ ਆਉਣ ਵਾਲਿਆਂ ਵਿਚੋਂ 5 ਬਿਹਾਰ ਤੋਂ, 3 ਹਰਿਆਣਾ ਤੋਂ, 1 ਮੋਗਾ ਜ਼ਿਲੇ ਤੋਂ, 1 ਮਾਨਸਾ ਜ਼ਿਲੇ ਤੋਂ, 1 ੳੂੱਤਰ ਪ੍ਰਦੇਸ਼ ਤੋਂ, 1 ਗੁਜਰਾਤ ਤੋਂ ਪਰਤਿਆ ਹੈ।
ਇਸੇ ਤਰਾਂ ਅੱਜ ਜੋ 20 ਨਮੂਨੇ ਪਾਜਿਟਿਵ ਆਏ ਹਨ ਉਨਾਂ ਵਿਚੋਂ 5 ਨੂੰ ਪੁਲਿਸ ਨੇ ਵੱਖ ਵੱਖ ਮਾਮਲਿਆਂ ਵਿਚ ਹਿਰਾਸਤ ਵਿਚ ਲਿਆ ਗਿਆ ਸੀ। ਇਸੇ ਤਰਾਂ ਅੱਜ ਦੇ ਕੁੱਲ 20 ਵਿਚੋਂ 1 ਨਾਬਾਲਿਗ ਹੈ ਅਤੇ 3 ਔਰਤਾਂ ਹਨ। ਦੋ ਔਰਤਾਂ ਗਰਭਵਤੀ ਹਨ। ਉਨਾਂ ਨੇ ਦੱਸਿਆ ਕਿ ਪਾਜਿਟਿਵ ਆਏ ਕੇਸਾਂ ਦੇ ਸੰਪਰਕਾਂ ਦਾ ਪਤਾ ਲਗਾ ਕੇ ਉਨਾਂ ਦੀ ਸੈਂਪਿਗ ਕੀਤੀ ਜਾ ਰਹੀ ਹੈ ਅਤੇ ੳੂਨਾਂ ਨੂੰ ਇਕਾਂਤਵਾਸ ਕੀਤਾ ਜਾ ਰਿਹਾ ਹੈ ਜਦ ਕਿ ਪਾਜਿਟਿਵ ਆਏ ਕੇਸਾਂ ਨੂੰ ਹਸਪਤਾਲਾਂ ਵਿਚ ਤਬਦੀਲ ਕੀਤਾ ਜਾ ਰਿਹਾ ਹੈ।
Date & Time :- January 25, 2025
